Yeino! Theidureergal, theidureergal, jeeva Dhevanai

பல்லவி ஏனோ! தேடுறீர்கள் தேடுறீர்கள் ஜீவ தேவனை - வைத்த கல்லறையிலே

சரணங்கள் 1. உன்னதனின் மன்னவனாம் முன்னதாகவே சொன்னாரே மூன்றாம் நாளில் உயிர்ப்பதாகவே - தாமும் ஜெயிப்பதாகவே - ஏனோ! 2. பூதலத்தில் யாவையும் படைத்த தேவனை பூமியும் தாங்குமோ தன் சிருஷ்டி கர்த்தனை - மகா வல்ல தேவனை - ஏனோ! 3. தீர்க்கருரை செய்திருந்த நீதிச் சூரியனாம் வீரனாக எழுந்தார் காத்தோர் நாணவே - காவல் செய்தோர் நாணவே - ஏனோ! 4. நம்பிக்கையாமே நமக்குப் பார்தலத்திலே நாமும் எழும்புவோம் அவ்வண்ணல் போலவே - இயேசு ராஜன் போலவே - ஏனோ! 5. சேனையின் தலைவனும் உன்னத ராஜனும் ஆனாரே வெற்றியால் சபைக்குச் சிரசும் - நம்மை விண்ணில் சேர்ப்போரும் ஏனோ! 6. ரூபித்தனரே நமக்குத் தேவ சுதனென்றும் தூய்மையின் ஆவியாலே வென்றதினாலும் - சாவை ஜெயித்ததினாலும் - ஏனோ! 7. ஸ்தோத்திரம் துதி என்றும் எம் இயேசு நாதருக்கே பாத்திரமற்ற நமக்கீந்தார் ஜீவனும் -ஜடம் சாவாமை தன்னும் - ஏனோ!